Qofkastaba oo imika dhalinyaro ama weyni wuxuu ahaan jiray carruur
dhammaanteenba waxaynu haysanaa ama gacanta ku haynaa carruur ama
waxaynu rajaynayaa in aynu carruur dhalno, qofna kama maarmo carruur
calashaaan hooyo iyo aabbe inaynu noqo, bulshadeena qaybta ugu badani
waa carruur iyo dhalinyaro.
Sidaas oo ay tahay waxa yar goobaha loogu talo galay in lagu wacyi
geliyo , in wax lagu baro iyo in caafimaadkooda lagu daryeelo
carruurta, uma jeedo in aanay lahayn Xanaanoyin iyo iskuulaalo goobo
ay ku ciyaaraan, intee in leeg baase awood u leh inay hesho adeegyadaas,
miyeynaan odhan Karin in ka badan boqolkiiba todobaatan oo u badan
carruurta reer guuraaga ah, sabool, darbi jiifka, Naafada, agoomaha,
carruurta laga tiraada badan yahay iyo kuwo kale oo badani ma heli karaa
xataa inay dugsi tagaan, waxaynu aragnaa Hay’addo fara badan oo ka
shaqeeya baahiyaha carruurta, waxase dalka ka maqan, siyaasadii lagu
hagi lahaa carruurta, ee lagu midayn lahaa kuwa waalidiintoo awood
leeyihiin iyo kuwa ka soo jeeda qaybaha aynu kor kusoo sheegay, ee ku
nool koonayaasha magaalooyiinka, miyiga iyo wadooyinka dhexdooda,
tusaale maxay ka ogyihiin culimada, tijaarta/maalqabeenada iyo
xukuumadu baahiyaha gaarka ah ee carruurta
Sida, maalmo aynu u naqaano kuwo farxadeed laakiin iyaga u ah kuwa
ugu muruga badan noloshooda, markaad ka eegto xusuusta iyo raadka ay ku
yeelanayso maskaxda ilmaha, ka soo qaad, ama adiguba isku metel, markaad
kaxayso Carruurtaaada maalmaha ciida ama munaasibadaha kale imisa
carruur ah ayaad ku sii dhaaftaa wadooyinka ama dayrka hore ee goobaha
carruurta loo dalxiis geeyo.
Ilmahaagu hadduu nasiib u helay aabbo keena goobtan, isagu(ilamahan
kale nasiib uma yeelan inuu helo aabbo keena goobtan, adna maad gudan
waajibaadkii aabbonimo ee ilmahan waayey aabbihii, taasi waxay ku
tusaysaa in aad meel kaga dhacday masuuliyadii aabbanimo ee ku saarnay.
Xusuuso ayaamo fara badan oo adiga ama qayrkaa soo maray, sidaan
ognahayna dadkeenu ama bulshada aan ku dhex noolahay, waa kuwo ku
dhashay diinta islaamka oo gabi ahaamba ina faraysa naxariista,
markaasi waxaa suuro gal ah aabbo in ilmahaaguba, bari ka maalin noqdo
karo agoon ileyn qofna damaanad u haysto in uu waligiiba noolanayee,
hadaba si loogu naxariisto, u naxariiso carruurta agoomaha iyo kuwa
nasiibku ka hiiliyey ee agagaarkaaga jooga, waxaa dhici doonta in
kuwaagu if iyo aakhiro midna aanay ku hoogin, u hiili darbi jiifka
iyo kuwa dar xumaysan si loogu hiiliyo Carruurtaada, Illaahayna xaqa
hayna waafajiyo.
WQ: Kamaal Xasan Isaaq
Saturday, July 30, 2016
Qisadii hadlkeed joogtaa iyo wixii iga raacay !
Qisadii
hadlkeed joogtaa iyo wixii iga raacay !
Waxaanu balansanayn nin
aanu saaxiib nahay oo taksiile ah (Taxi driver) lambarkiisi Ayaan garaacay ama wacay oo aan
kala hadlay , waxaan waydiiyey halka uu ku sugan, intuu xanaaqay ayuu si cadho leh iigu yidhi
maxaa kaa galay halkaanu joogno dantaada uun ka hadal,
Annoo yaaban! Ayaan hubiyey
in lambarka telefoonku iga qaldan yahay iyo in kale mise waa ninkii aanu
saaaxiibka ahayn ee jaamac, waan ku
celiyey hadan wuxuu igu yidhi imikaan kuu imanayaaye diyaar garow waan soo
socdaaye ,wuu isoo gaadhay waxaanu dhahay soo fuul gaadhiga .
Intaa soo garab istaagay
gaadhiga daaqadiisi ayaan ku idhi waar
yahaye Jaamac maxaa kaa soo maray eraygan “halkeed joogtaa” ee aad iga cadhootay
kolkaan kula soo hadlayey, ninkii jaamac
ahaa wuxuu iiga sheekeyey qisadan kooban.
Maalin maalmaha ka mid ah nigoo
wata gaadhigayga oo taagaan suuqa ayaa telefoonkayga waxa iga soo wacay nin
wuxuu si deg deg ii ugu yidhi” Halkeed Joogtaa” anna ismaan dhibine waxaan ugu jawaabay
“ halkaa khayriyada “suuqa badhtankiisaan joogaa anigoo u malanaya mid ka mid
dadkii macmiilka ii ahaa ee baabuurka iga kiraysan jiray” qadar daqiido ah ka dib waxaa gabigaygiiba iskuweer iga qabtay aniga iyo gaadhigaygiiba saddex gaadhi
oo boolis ah, inta gawda layga saaray oo
lay garaacay ayaa la geeyey saldhigii anigoon meel nool lahay ,waan miyir belay Waxaa
ku baraarugay anigoo saldhigii dhex
jiifa oo qaar maxaabiis ahi iga dul sheekaysanayaan.
Indhihii aan kala qaadayba
su’aalo ayey ila boobeen iyagoo leh oo maxaa lagugu soo xidhay noo sheeg noo sheeg
? wax allaale wax aan ku jawaabo ma
garanayo , waan iska aamusay.
Laba cisho markaan xidhnaa
, ayaa maalintii saddexaad waxaa nasoo hor istaagay laba askari iyo qof shiciba
, waxaanay yidhaadeen isagii maaha waynu ku qaldanay ninkan soo
daaya , waar iska bax qof baanu kugu
qaladnaye ,qofkiina waanu helay fasax baad tahay sacaada laga bilaabo ,
Anigoo aad u cadhaysan oo
meel waliba I kuusan tahay Ayaan kabahayagii
, suunkagyii iyo furihii gaadhiiba qaatay.
Maalintaa wixii ka
dambeyey saaxiibow anigu waan ka xanaaaqaa Halkeed joogtaa
haddii laygu yidhaa !
W/Q: Kamal Xassan Isaq
W/Q: Kamal Xassan Isaq
Subscribe to:
Posts (Atom)